مأكولات شرقية ... فراخ بنكهة الروز ماري

النهارده هنقدّم لك طريقة جديدة لتتبيل الفراخ المشوية
يلا بينا على المطبخ نشوف التتبيلة الجديدة دي عبارة عن إيه...

فراخ بنكهة الروز ماري
المقادير:

    فرخة كاملة مغسولة كويس
    بصلة كبيرة مقطعة قطع صغيرة جدا
    2 ملعقة كبيرة عصير ليمون
    2 ملعقة كبيرة زيت الزيتون
    3 ملاعق كبيرة روزماري
    3 فصوص ثوم مفرومين
    شرائح ليمون للتزيين
    ملعقة كبيرة زنجبيل
    ملح وفلفل أسود
    علبة زبادي


الطريقة:
 
1- لتجهيز تتبيلة الفراخ، اخلطي كل مقادير التتبيلة الموجودة عندك كويس مع بعضها.

2- هاتي الفرخة واحشيها بالتتبيلة من الداخل وبين الجلد واللحم وعلى الجلد من بره، مع مراعاة عمل فتحات في اللحم باستخدام السكين، وده علشان الفرخة تتشرّب من التتبيلة كويس.

3- دخّلي الفرخة التلاجة وسيبيها طول الليل علشان تتشرّب من التتبيلة كويس.

4- شغّلي الفرن على درجة حرارة متوسطة، ودخلي الفرخة لمدة ساعة كاملة أو لغاية ما تلاقيها استوت وبقى لونها دهبي، وبعد كده خرّجيها وحطّيها في طبق التقديم.. وبألف هنا وشفا.

وبكده تكون خلصت وصفتنا النهارده..
يا ريت تجرّبوها وتبعتوا تقولوا لنا على النتيجة..
واستنونا بكره مع وصفة جديدة..

بالهناء والشفاء

Posted in: فراخ,ماكولات شرقية